Сюжэтна-ролевая гульня "Кабінет доктара Айбаліта"
Дашкольнае дзяцінства – вельмі важны перыяд у станаўленні асобы. Гэта час, калі дзіця набывае першапачатковыя веды пра навакольны свет, фарміруе адносіны да людзей і іх працы, атрымлівае навыкі правільных паводзін. Значнае месца ў жыцці дашкольнікаў займаюць гульні.
Асаблівае месца займаюць сюжэтна-ролевыя гульні, арганізаваныя выхавацелем разам з дзецьмі. У гэтых гульнях выхаванцы адлюстроўваюць усё тое, што бачаць вакол сябе ў жыцці і дзейнасці дарослых. І сёння ў сярэдняй групе №11 адбылася сюжэтна - ролевая гульня "Кабінет доктара". Выхавацель Пракапович І. У. у даступнай форме, пераапрануўшыся ў доктара Айбаліта, вельмі цікава распавядала дзецям пра здаровы лад жыцця. Выхаванцы, апынуўшыся ў кабінеце ўрача, прадоўжылі знаёмства з прафесіямі медыцынскіх работнікаў і па чарзе паспрабавалі сябе ў ролі медыцынскага персаналу.
Гульня прайшла ў пазітыўным настроі.